TSAY Short Film insiam siakah Bethlehem Corps SAY-te pakhatna an ni

Territorial Salvation Army Youth (TSAY), India Eastern Territory buatsaih short film competition result puanna Zirtawpni zan khan neih a ni a, Bethlehem Corps SAY-te chu pakhatna an ni.

He short film insiamsakna neihah hian kuminah The Salvation Army, IET thupui 'Chakna aṭangin chak leh zualnaah an kal ṭhin' tih chu thupuiah hmangin an intihsiak a, Bethlehem Corps SAY-te hi an thiam ber ta a ni. Khatla Corps SAY-te chu pahnihna niin Zemabawk Corps SAY-te chu pathumna an ni bawk.

Mizo film industry lama tawn hriat nei ṭha tak tak - Aldrin Zosangliana, Dawrpui Vengthar Corps, B. lalbiakvela, Lunglei BCM leh Malsawmtluanga, Khatla Presbyterian te chuan an endik a ni. Pakhatna hian lawmman Rs. 50,000 leh trophy an dawng a, pahnihnate hian Rs. 30,000 + trophy dawngin pathumnate hian Rs. 20,000 + trophy an dawn bakah a tel zawng zawngte'n participation prize an dawngvek bawk a ni.

Mimal lawmman awm bawkin Best Script Writer chu Lalbiakzuala, Khatla Corps a ni a, Best Actor chu Lalmalsawma, Khatla niin Best Actress chu Ruthi Lalnunfeli, Ramthar Corps a ni bawk.

F. Vanlalhlimpuia, Bethlehem Corps chu Best Director-ah thlan a ni a, C. Lalliansiama, Bethlehem Corps chu Best Editor lawmman dawngtu niin Osiama Picture, Bethlehem Corps chu Best Videography-ah an thlang thung a ni.

TSAY SHORT FILM COMPETITION 2022 RESULT
Pakhatna - Bethlehem Corps SAY
Pahnihna - Khatla Corps SAY
Pathumna - Zemabawk Corps SAY
Best Script Writer - Lalbiakzuala, Khatla Corps
Best Actor - Lalmalsawma, Khatla Corps
Best Actress - Ruthi Lalnunfeli, Ramthar Corps
Best Director - F. Vanlalhlimpuia, Bethlehem Corps
Best editor - C. Lalliansiama, Bethlehem Corps
Best Videography - Osiama Picture, Bethlehem Corps