‘A Hmangaihna Faktute’ Kum 50 an tling ta

Mizorama male voice lama sulsutu pawimawh leh tunhmaa lar ṭhin, A Hmangaihna Faktute chuan kum 50 an lo tling ta a, kum 50 an tlin lawmna hi Zirtawpni khan an hmang.

A Hmangaihna Faktute (The Joyful Praise Male Choir) hi Mipa zaipawl a ni a, kum 1967 July 7-a Shillong-a din a ni. A tira dintute chu Upa L N Tluanga, K. Lungmuana, C. Vulluaia, A.G. Sailo, PC Lalmawia, Laltlawmlova, Hmingdailova Khiangte, HL Malsawma, C. Ramhluna, R. Lal­hmingliana leh R. Rozika te an ni.

Kum 1969 aṭangin Shillong pawnah rawngbawlna an nei a, Nagaland - Chumukedima-ah te, Dimapur leh Nowgong-ah te zaiin rawng an bawl ṭhin. Hei bakah hian Manipur, Mizoram dung leh vang, India chhim lamah te rawngbawlin an chhuak bawk. Hun a kal zela member ṭhenkhat chu hna leh zirna avangin an chhuak a, member thar an awm zel bawk. An member ni tawh zinga pariat chuan chatuan ram an pansan tawh a, tunah hian member 28 dam an la awm.