YouTube-ah Mizo lâm entu mtd khat tling
Mizoramah hian mihring maktaduai khat vel chauh kan awm a, chutihlai chuan YouTube-a Mizo Dance Choreography-in Mizo lâm, ‘Despacito’ an dah chhuah chu chawlhkar thum chhungin entu maktaduai khat an tling.
Mizo Dance Camp Studio-in an shoot, YouTube-a an dah hi miin an hlut hle a, Mizo Dance Choreography Video ‘Despacito’ hi Mizo zawng zawng, naupang thlenga en vek ang kan ni! He video-a lâm hi Mizo Dance Camp team member leh an zirlaite lâm a ni a, choreographer hi Alan Lalrinawma a ni. Mizo chauhin he lâm hi an ngaihlu lo a, Spanish, Brazil (Portuguese) leh hnam dang ṭawnga fakna pawh hmuh tur a tam hle. Mizo video YouTube-a dah chhuah, chawlhkar thum chhunga entu maktaduai khat nei tling hmasa ber leh awm chhun a ni awm e.
Video hi YouTube-a Alan Rinawma Channel-ah dah chhuah a ni a, he channel-ah hian class choreography bakah, performance leh concept video hrang hrang en tur a awm a, Mizo zaithiam lar DJ Lalvenhimi leh Hmingtea te an hlaa an lâm lai hmuh tur a awm. Hei bakah hian Michael M Sailo Dance Tribute te pawh a awm a, dance class video pawh regular taka upload ṭhin a ni. Vawiin tlai dar 3:30aṭang hian Mizo Dance Camp-ah Regular evening class an ṭan leh bawk dawn a, lâm zir duh tan pan theih reng a ni.