Lungleiah MDM Circle of Music buatsaih dawn
Music Domain Mizoram chuan Lungleiah MDM Circle of Music Meet 2017 buatsaih a ni dawn a, a hun leh ni tur erawh tarlan a la ni lo.
Zirtawpni khan Music Domain Mizoram chuan General Assembly vawi 3-na an nei a, hetah hian thu pawimawh tak takin relin, chung zingah chuan Lungleia Circle of Music Meet buatsaih thu pawh hi a tel. He meet-ah hian Mizo zaithiam, rimawi ngaina tawh phawtte chu chhim vek turin MDM chuan an sawm a, Zoram chhung leh pawn aṭangin he meet buatsaih tur phurpuitu pawh an ṭhahnem hle.
MDM General Assembly hi Joseph Lalhimpuia, Parliamentary Secretary chuan a hmanpui a, Pathian hnena lawmthu sawina hun an hmang a, rorel hun hmangin, Entertainment Programme leh Music Festival hman zui nghal a ni. Thurel pawimawh tak tak zingah, Mizo zaithiam leh hla phuah thiam leh musician ten hlawk zawk leh mumal zawka an zai man an tel theih nana hmalak te, man nei leh awmze nei zawka Mizo zaithiamte zai hmun zau zawk leh ram pawn thlenga an lo thlir theih nana MDM YouTube channel tihchangtlun chu chak zawka hmalak te, kum khat chhunga programme mumal tak duan felte a tel.
MDM-in programme a duan zingah hian MDM Fun Day buatsaih te, Circle of Music Meet, Charity programme leh General Assembly te a tel. Tun ṭuma General Assembly an neih hi member an la kal ṭhat ber ṭum a ni.