Kesha album thar an nghakhlel

Kesha chuan kum nga hnuah album a tichhuak dawn a, a album tih­chhuah tur hi an nghakhlel tawh hle.

Dr. Luke nena harsatna an neih avangin hun eng emaw chen chu music lam a ngaihven hlei thei lo a, chuvang chuan kum nga hnuah a solo single hmasa ber ‘Praying’ pawh a tichhuak thei chauh. Praying hla hi a album hmahruai a ni a, a album thar tur hi ‘Rainbow’ a ni a, khawvelin a nghakhlel.

Rainbow album producer pakhat, Ricky Reed chuan Kesha album hi a fak hle a, khawvel a tidanglam thei ang a ti hial. Kesha hian a hla thar ‘Praying’ chungchang hi a sawi a, “Beiseina ka neih tawh loh leh depression nena nun harsatna ka neihte nen ka thlunzawm a; chung harsatna hneh chakna thar ka neih dante nen ka hla thar hi a intlunzawm tlat a ni,” a ti.