F. Sanglura album vawiinah tlangzarh dawn

Rock music sawi tawha Mizo zinga he music genre tana bei nasa, tun thlenga la chawlhsan lo F. Sanglura audio album chu vawiin hian tlangzarh a ni tawh dawn.

F. Sanglura audio album hi ‘Inlar leh la’ tih a ni a, Third Sovereign member-te nena an siam a ni. A lo sawi lawk tawh angin album release function hi puitham takin a buatsaih dawn lo. ‘Inlar leh la’ album-ah hian glam metal kan tih ṭhin, 80s chhoa khawvela music genre lar leh hlawhtling em em kha ngaihthlak theih a ni dawn a, glam metal ngaina tan chuan hmaih phal chi a ni lo ang.

He album-ah hian hla pariat a awm dawn a, a ngaihven duh dan tan Altrafast, Bazar Bungkawnah ngaihven theih a ni.