Honda BigWing Ṭhazual Lengzem ; Rpa Ralte 'Ka sawifiah thiam lo' pakhatna

Honda BigWing Ṭhazual Lengzem chart-ah Rpa Ralte 'Ka sawifiah thiam lo' chu pakhatna a ni a, Keimi X Zela Chuaungo 'Thawnthu ngaihnawm' chu pahnihna niin Lalropuii Pachuau 'He thinlung' chu pathumna a ni bawk.

Zaithiam leh hlaphuah thiam Rpa Ralte hian 'Ka sawifiah thiam lo' hi a tihchhuahna a la rei loa, YouTube lamah phei chuan kar thum vel chiah a la awm, Chutichung chuan chart-ah pakhatna a nihpui der tawh. Chart hmasa lamah khan a vawi khatna atan rawn inlan ṭanin pasarihna a ni nghal a, vawi hnihnaah pakhatna a nihpui der a ni.

Chart hmasa lama pathumna Keimi X Zela Chuaungo 'Thawnthu Ngaihnawm' chu pahnihna ni thungin Lalropuii Pachuau pawhin 'He thinlung' chu top 3-ah a rawn inhlankaipui ve bawk.

Tunṭum Ṭhazual chart-ah hian hming langsar tak tak lang an awm nual. Sangkimi Khiangte, Adama & Sangtei, Kimkima x Gnie, Pando ft Sammy. Lowdy ft. Francis, Siampuii Ralte leh Memphy Ralte ft. Zauzaui Zote-te pawh top 10-ah an lang a ni.