Metallica Vocalist James Hetfield-te nupa inṭhen dawn!

Metallica Vocalist James Hetfield chuan a nupui Francesca Hetfield nena an inṭhenna tur lehkha a thehlut niin media ṭhenkhat chuan an tarlang.

TMZ chuan hemi chungchang hi puangzarin James Hetfield leh Francesca Hetfield-te chuan kum 25 lai an inneih hnuah inṭhen zai an rel ta niin a tarlang a, kumin kumtir lamah khan kum 59 mi rockstar James Hetfield hian Colorado-ah inṭhenna tur lehkha hi a thehlut tawh niin an sawi.

Inṭhenna tur lehkha hial thehlut tawh mah se fate an neih tawh avangin an la inbe pawh reng tho niin TMZ chuan a tarlang bawk.

James leh Francesca-te hi kum 1992 khan intawngin kum 1997 khan an innei a, fanu pahnih leh fapa pakhat an nei tawh a ni.