Khaled bawkin hmun sang a chang leh
Billboard Artist 100-ah pakhatna luah zo lo mah se, Billboard album chart-ah erawh chuan pakhatna hi a hmun tur emaw a ti mai ang tih a hlauhawm zawk. Chawlhkar hnihnaah pawh DJ Khaled bawk pakhatnaah a awm leh.
DJ Khaled album thar ‘Grateful’ hi chawlhkar liam ta chhung khan copy 70,000 zet mai a hralh belh leh. Physical album an tih, CD ang zawng chuan Khaled hian a album hi a hralh hnem lo khawp mai a, mahse streaming leh track equivalent ten a hralh hnem thung. Album pangngaia a hralh zat hi copy 16,000 chauh a ni a, a bak zawng hi equivalent album a ni.
Calvin Harris-a album thar ‘Funk Wav Bounces Vol. 1’ chu a rawn chhuak ta a, mahse DJ Khaled erawh a ngam ta ngang lo. Calvin Harris album thar hi kar liam ta chhung khan copy 68,000 lai hralh a ni. Kendrick Lamar album ‘DAMN’ hi a tla hniam hlei thei lo a, pathumna a la luah a, kar liam ta chhung khan copy 56,000 a la hralh thei cheu. Imagine Dragons pawhin an album thar ‘Evolve’ chu copy 44,000 hralhin palina an la luah.
Billboard 200 chart
“Grateful” - DJ Khaled (70,000)
“Funk Wav Bounces Vol. 1” - Calvin Harris (68,000)
“DAMN” - Kendrick Lamar (56,000)
“Evolve” - Imagine Dragons (44,000)
“Divide (division sign)” - Ed Sheeran (38,000)
“Pretty Girls Like Trap Music” - 2 Chainz (33,000)
“24K Magic” - Bruno Mars (33,000)
“Hydrograd” - Stone Sour (33,000)
“More Life” - Drake (32,000)
“Moana” Soundtrack - Various Artists (31,000)