Adventist music school hawng

Mizo Adventist Music Association (MAMA)-in a din, ‘Adventist Music School’ chu Pathianni khan Seventh-Day tlangah hawn a ni.

Mizo Conference of Seventh-day Adventist kaihhruaina hnuaia din Adventist Music School-ah hian piano, guitar, violin, cello, saxophone leh clarinet te a zir theih dawn. Kar tluan bakah Pathianniahte zirna hun hawn a ni ang a, Trinity College, London aṭanga zir chhuakten an zirtir ang. Tunah hian course instructor pakua an awm.