Sum lalut hnem Spider-Man: Homecoming
USD mtd 100 chuang kar tawp ni thum chhunga lakluh hi thil awlsam a ni lo a, mahse Spider-Man: Homecoming erawh chuan a rawn la thei tlat. Hei hian he film hlawhtlinzia a tarlang.
Spider-Man film tihchhuah tawh ho hi a hlawhtling em em zel mai a, Spider-Man: Homecoming hian kar tawp ni thum chhung khan USD 117 lai a lalut a, box office-ah chuan pakhatna luah mah se, Spider-Man film tihchhuah tawh ho zingah tluk loh erawh a nei nual mai. Tobey Maguire-a channa, Spider-Man 3 khan opening week-ah USD mtd 151.1 a lalut a, Tobey Maguire-a channa tho, Spider-Man 2 kha chu Spider-Man: Homecoming hian a tluk a, Spider-Man 2 hian USD mtd 88.2 a lalut a, Spider-Man 1 khan USD mtd 114.8 lalutin Spider-Man: Homecoming a tluk lo bawk. Kum 2012-a Andrew Garfield-a channa The Amazing Spider-Man khan opening week-ah USD mtd 62 a thawk chhuak.
Spider-Man film hi kum 1977-a The Amazing Spider-Man film series tihchhuah aṭang khan an siam thar leh apiangin film hlawhtling a ni zel thei hi a mak a, a bikin khawthlang mite nunah a tla na hle tih a hriat.
Spider-Man: Homecoming hi North America-a a hlawhtlin mai bakah ram dangah pawh a hlawhtling hle a, ram dang aṭanga a sum lakluh zawng zawng hi USD mtd 140 lai a ni. North America aṭanga sum a lakluhte nen kar tawp chhung khan Spider-Man: Homecoming hian khawvel pumah USD mtd 257 zet a thawk chhuak thei.
Despicable Me 3 chu pahnihnaah a tla thla a, USD mtd 34 lai kar tawp chhung khan a lakluh belh leh. Baby Driver film chuan USD mtd 12.8 lalutin sum lalut hnem pathumna a ni.
Box office movie
“Spider-Man: Homecoming” - $mtd 117
“Despicable Me 3” - $mtd 34
“Baby Driver” - $mtd 12.8
“Wonder Woman” - $mtd 10.1
“Transformers: The Last Knight” - $mtd 6.3
“Cars 3” - $mtd 5.6
“The House” - $mtd 4.8
“The Big Sick” - $mtd 3.6
“47 Meters Down” - $mtd 2.8
“The Beguiled” - $mtd 2.1