Sum lengvel tlemna Box Office-ah Bullet Train bawkin ro a rel leh

Kar tawp Box Office-ah thil liam tham a thleng loa, kar hmasa lama roreltu 'Bullet Train' bawkin ro rel lehin a sum lakluh erawh a tam lua lo khawp mai.

'Bullet Train' hian kar tawp liam ta chhung khan theatre 4,357 aṭangin $13,405,022 a lalut a, a sum lakluh tam lo mah se ani aia sum lalut tam an awm chuang lo. 'Top Gun: Maverick' chu parukna aṭangin pahnihnaah a rawn invawrh a, $7,052,962 a lalut. Kar hmasa lama pahnihna 'DC League of Super-Pets' pathumna ni ve bawkin $7,003,320 a lalut.

Top 10-ah film thar lang pakhat chiah a awm a, chu chu 'Fall' niin 10-na a ni pha ṭawk. Box Office Mojo chart-ah film 54 langin film thar erawh a awm nual thung. Laal Singh Chaddha (12), Mack & Rita (13), Emily the Criminal (16), Inu-oh (20), Emergency Declaration (22), Summering (29), Free Chol Soo Lee (31), Gossamer Folds (36), Let the Little Light Shine (37) leh Bloom Up (50)-nate chu film thar an ni.

Box Office top 10:-
1 Bullet Train - $13,405,022
2 Top Gun: Maverick - $7,052,962
3 DC League of Super-Pets - $7,003,320
4 Thor: Love and Thunder - $5,377,951
5 Nope - $5,366,090
6 Minions: The Rise of Gru - $5,002,230
7 Where the Crawdads Sing - $4,001,667
8 Bodies Bodies Bodies - $3,251,067
9 Elvis - $2,582,562
10 Fall - $2,512,145