Amedeo Modigliani Biopic-ah Johnny Depp leh Al Pacino

Amedeo Modigliani Biopic siam turah Johnny Depp chu director leh pro-ducer a ni dawn niin an sawi a, Al Pacino chu a chang dawn niin khawthlang media ṭhen-khat chuan an tarlang.

Johnny Depp hian kum 25 liam ta khan 'The Brave' chu a lo direct tawh a, chumi hnuah chuan film dang a la direct leh lo. Amedeo Modigliani biopic hi a direct a nih chuan kum 25 hnua a film direct leh hmasak ber tur a ni dawn a, ngaihven a hlawh viau dawn tih a chiang.

Hemi chungchang tarlangtu The Hollywood Reporter chuan 'The Godfather' star kum 82 mi hi a inlan dawn tih a chiang tawh niin an sawi a, chubak chu thuchiang dang, a changtu dang tur emaw an la puangzar rih lo thung. Pacino pawh hian eng role nge a chan dawn tih an la sawi lo bawk.

Amedeo Modigliani hi Italian artist lar niin kum 1920 khan kum 35 mi lek niin a boral a, chuvang chuan Pacino hi chu a lemah a chan a rinawm chiah lo.