Madonna-i’n naupang zaina tur bik a hawng

Malawi lama Madonna hmalakna hi a ropui thlawt. Damdawi in a din a, naupang awm tur bik ward te siamin, hma a la nasa hle. Tunhnaia hma a lak lehna thar ber chu naupang damlo, zai ngai, zaina tur bik liau liau hmun a hawng.

Thawhlehni khan kum 58 mi zaithiam Madonna hian Malawi-a Queen Central Hospital-ah The Mercy James Institute for Paedia­tric Surgery and Intensive Care chu a hawng a, a fanu Mercy hming a puttir. Hawnnaah hian a fate - kum 16 mi Rocco, kum 11 mi David, kum 11 mi tho Mercy leh kum li mi phir, Stella leh Esther te a hruai.

Hawnnaah hian Madonna hian thu a sawi a, “Ka ti thei ang tih ka ngaihtuah ngai reng reng loh thil tam tak a awm. Hetiang damdawi in hi engtikah emaw chuan ka la din ang tih ka ngaihtuah pha ngai lo. I thil tum kha bansan ngai suh ang che,” a ti.