Ed Sheeran-a’n lar hlauhawm a ti

Tunhnaiah Twitter a bansan nia sawi a ni a, chumi hnuah a thusawi langsar leh chu larna khawvela milar dinhmuna din hi a hlauhawm tih hi a ni.

Kum 26 mi zaithiam hian thil lian tak tak, buaipuiawm tak tak pahnih a hmachhawn mek tih a sawi a, pakhat chu amah duh uchuakna a ni a, pakhat dang leh chu amah ngei hluah hluahna a ni. A duhtu ṭhenkhatten ninawm leh awm tinuam lo khawpa an duh hluah hluah laiin, ṭhenkhat dang chuan ninawm leh ngeiawm hluah hluah khawpin amah an haw thung.

Ed Sheeran chuan, “Hetiang nun hi a hmain ka lo la hre ngai lo a, ka lo la ngaihtuah lo. Hetianga inhuatna hi ka hriat ngai loh a ni ang bawkin hetiang em ema inngaihsanna uchuak hi ka hriat ngai loh bawk a ni. A lutuk ve ve mai. Tuilairapa awm ngaihna a awm lo a, a lai laklawhah a awm theih loh; hetiang chi hi ka la tawn ngai loh a ni. Mi ṭhenkhat chuan mi han haw em em khawp a, thi daih se min duh a, music pawh hi siam leh tawh ngai miah lo se min duh. Chutihlaiin ṭhenkhat tan chuan Isua lokal lehna ang hiala thil lawmawm leh ropui a ni thung si,” a ti.