Live Video chart-ah Ariana Grande

Ariana Grande-i’n May 22-a Manchester-a a concert ṭuma bomb puak tuartute ṭanpuina tura video a tihchhuah ‘One Love Manchester’ chu Billboard hnuaia Top Facebook Live Videos chart-ah pakhatna a la luah.

One Love Manchester benefit puala Ariana video tihchhuah hian a thleng zau hle a, June thla chhung khan zaithiam lartena video an tihchhuah Facebook-a sawi zui hlawh leh, share kual hlawh ber a ni.

Manchester-a chhiatna thlengah khan Ariana Grande hian a thawkhlawk hle. Bomb puah hnua a concert aṭang khan USD mtd 3 zet a tuak chhuak a, a hla hralhna te, a pumpuia bomb puak tuarte ṭanpui nana British Red Cross-a a chhun luh chu USD mtd 12 zet a tling. A video bik hi vawi maktaduai 81 en a ni a, reaction ngawt pawh maktaduai 2.6 zet a awm.

June thla chhunga Top Facebook Live chart-a pahnihna chu Muse an ni a, Guns N’ Roses leh Shakira te chu pathumna leh palina an ni.