Teen Choice Awards ; Zaithiamah Selena Gomez
Teen Choice Awards 2017 nominee tar chhuah a ni a, zaithiamah chuan Selena Gomez a hit ber a, film lamah chuan Beauty and the Beast leh Wonder Woman hi a langsar an ni.
Music lam category-ah hian a pumpuiah Selena Gomez chu a langsar ber a, mipa bikah chuan Justin Bieber leh Bruno Mars hi an langsar bawk. Category hrang hrang an puan chhuah tharah Selena Gomez hi category pakuaah ngawt a hming leh a music a lang. A lanna langsar zingah Choice Summer Song, Choice Summer Female Artist leh Choice Electronic/ Dance Song te a ni.
Selena dawta lang hnem leh ber chu Justin Bieber a ni a, category pasarihah a lang a, Bruno Mars chuan dawtin category parukah a lang. One Direction member - Harry Styles, Liam Payne, Louis Tomlinson leh Niall Horan te pawh an lang a, midang langsar dangte chu Katy Perry, Miley Cyrus, Ariana Grande, Ed Sheeran, Rihanna, The Chainsmokers, Maroon 5, Coldplay, Drake te an ni.
Movie lamah chuan Beauty and the Beast chuan nomination paruk a hmu a, Wonder Woman leh Spider-Man: Homecoming te chu category pangaah ve ve an lang bawk. Teen Choice Awards nomination list thawh khatna hi thla hmasa khan an puang tawh a, tuna mi hi thawh hnihna a ni. Teen Choice hi August 13 khian sem a ni ang.