Ariana Grande Manchester khua leh tui

Manchester United emaw Manchester City emaw a ṭan kher a ngai dawn tihna a ni hran lo. Manchester khawpuiin harsatna a tawh laia a ṭanpui nasat em avangin Manchester khaw hotute chu Ariana Grande hi an khua leh tui nihna an pe mai a ni zawk.

Manchester City council leader, Sir Ri­chard Leese chuan Ariana Grande hnenah chawimawi nan Manchester khaw mi leh sa nihna an pek thu a puang chhuak. Sir Richard Leese chuan Manchester khaw­puia a concert-naa bomb a puah avang khan A­riana Grande hi Manchester khuaa concert tura a rawn kir leh pawh mi tam takin an rin loh laiin, bomb puak tuartute ṭanpuina tur cha­rity concert neia a rawn kir leh chu Manchester khaw mipuiten ropui an ti hle niin a sawi. Hei vang hian A­riana Grande hi an khaw mi leh sa nihna pek a nih theih nan a rawt a, a rawtna chu pawm a ni ta a ni a ti.