The Chainsmokers-in Katy Perry an tluk ta lo

Billboard Hot 100 top 10 aṭanga an chhuah tak avangin The Chainsmokers chuan Katy Perry an tluk thei dawn ta lo. Katy Perry hi Billboard Hot 100 chart-a a zawna lang rei ber a ni a, The Chainsmokers hian chawlhkar riatin an pha dawn ta lo.

The Chainsmokers hla hit, Coldplay nena an sak, ‘Something just like this’ chu 10-na aṭangin 13-na a tla thla a, chawlhkar 61 zet top 10-ah a lang hman a, Katy Perry record lo siam, chawlhkar 69 zet chu a tluk thei dawn ta lo. Katy Perry hian kum 2010-11 chhung khan chhum lo chat loin chawlhkar 69 chhung top 10-ah a lo lang.

The Chainsmokers hian record erawh an siam ta tho. Group emaw duo zinga Billboard Hot 100 chart-a a zawna top 10-a lang rei ber an ni ta tho. Mimalte nena chhiar vek chuan Katy Perry hi a lang rei ber a, The Chainsmokers chu pahnihna niin, Drake hi chawlhkar 51 langin pathumna a ni a, Ace of Base chu chawlhkar 48 langin palina, Rihanna chu chawlhkar 46 langin pangana a ni.