ASUS ZenFone AR khuhhawng

Ningani khan Asus chuan an flagship phone, ZenFone AR chu India-ah an khuhhawng a, Consumer Electronics Show-ah an pho chhuak.

ZenFone AR hi 8GB RAM a ni a, a hmai hi inchi 5.7-a hlai niin, Super AMOLED display a ni. A hnung lam camera hi a danglam hle a, dual pawh ni loin, tri-camera system a ni. Chumi awmzia chu Motion tracking, depth sensing leh high resolution 23MP Pixel Master 3.0 hmanga thuam tihna a ni. A camera a ṭhat avang hian 4K-UHD video pawh a capture theih tihna a ni. A hmalam camera aperture hi f/2.0 a ni a, 10MP niin, beautification mode, HDR Pro mode, low-light mode, night mode leh selfie panorama hmangtea thuam a ni.

He phone hi a ṭhat avangin a man pawh tlawm zawk zawk tura ngaih loh tur a ni a, India pawisa chuan Rs. 49,999 man tur a ni a, Flipkart kaltlang chauha hralh a ni ang. Flipkart chuan offer an siam bakah, Jio lam aṭangin ZenFone AR leitu chu 4G data, 100GB a dawng ang a, chu bakah chuan Jio Prime membership pek nghal a ni ang.