Studio lamah Olivia Rodrigo hmuh tur a awm leh ta

Olivia Rodrigo thawhpuitu producer Dan Nigro chuan Thawhlehni khan a Instagram Story-ah Grammy award hial pawh dawng tawhtu Rodrigo nena studio-a an ṭhudun lai thlalak a pholang a, chu chuan ngaihven a hlawh nghal hle.

'Good 4 U' singer hian March thla khan Elle hnenah album thar siam a chak tawh thu leh thil hrang hrang tawn a chak thu a lo sawi zeuh tawh a, chuvang chuan tunah pawh hian a album thar tur a buaipui ṭan leh tawh nia ngaitu an tam hle a ni.

American tleirawl Olivia Rodrigo hi tunah hian kum 19 mi chauh a la ni a, nikum January thla khan 'Drivers License' hla hmangin rimawi khawvel a deng chhuak a, chuta ṭang chuan kum hnih em pawh la ral lo mah se Grammy award pathum lai a dawng tawh a ni.