iHeartRadio Prom host tur Dua Lipa

British singer Dua Lipa chuan May 8 a neih tur iHeartRadio Prom a host dawn a, KIIS-FM radio personality JoJo Wright nen an host dun ang.

iHeartRadio Prom hi high school senior graduate-te lawmpuina puala hman tur a ni a, he hun hi on-air a tihchhuah tum niin, darkar 4 vel hun hman tum a ni. iHeartRadio station zawng zawngah pek chhuah a ni dawn a, May 8 zanah he programme hi an hmang ang.

Prom satliah a ni dawn lo a, inlan tur an hrawl tlat. John Legend, Noah Cyrus, Sabrina Carpenter, Sofia Carton leh Trevor Daniel-te chu zirlaite hnenah thuchah sawi tur an ni a,  Marshmello, Diplo, Dillon Francis, Martin Garrix, Loud Luxury leh Will.i.am-te pawh an inlan dawn.

"Prom hi high school zirlaite tan chuan zinkawng inṭanna a ni a, hri leng vanga mipui punkhawm a rem loh avang­in him taka inlam aṭanga an lo en theih nan he hun hi buatsaih a ni dawn a, zai­thiamte pawh an zai ang," tiin co-host tur Wright chuan a sawi.