Gigi Hadid-in nau a pai tih a nemnghet

An lamhnai tak pakhatin Gigi Hadid-in Zayn Malik fa a pai nia a sawi hnuah Gigi Hadid chuan nau a pai ngei a ni tih a nemnghet ve leh ta. 

Gigi hi Ningani khan Jimmy Fallon 'The Tonight Show'-ah kawm a ni a, Jimmy Fallon -in nau a pai avanga a lawmpuina chu chhangin, "A nihna takah chuan keimahni ngeiin puanzar theih kan chak hle. Kan phurin kan lawm hle a, mi lawmpuitu leh min thlawptute zawng zawng chungah kan lawm hle a ni," a ti. A nau pai thu a zep lo.

Tun ang huna ina tawm chu a ṭha hle tih sawiin, a piancham a chhungte leh a ṭhian ṭhate nena an lawm dan chungchangte pawh a sawi bawk.

Nau a pai thu a nem ngheh hma hian a nu  Yolanda Hadid pawhin an interview-naah a fanuin nau a pai tih hi a lo sawi chhuak tawh a, a tirah chuan ṭhawng hle mah se 'pi' a ni mai tur erawh a phur tawh hle tih a sawi a ni.