Eminem ina lut ru an man

Eminem-a chenna in Detroit, Michi­gan-a April thla tir lama lut ru kum 26 mi Matthew David Hughes chu an man

Matthew David Hughes hi April thla tir lamah khan Eminem-a choka tukverh tichhiain a lut ru a, security leh Eminem vengtu zawng zawngte a bum vek a ni. Darthlalang tihkeh a nih avang hian alarm a ri a, security-te chuan hei hi hre lo mah se Eminem chuan a lo hre hman hlauh a, a ina lut ru nen chuan a living room-ah an intawk nghe nghe.

Marshall Mathers chuan a security-te koin an man nghal a, police-te an koh hnuin Macomb County Jail-ah an dah lut a ni. April thla lama thil thleng daih tawh mah ni se nimin lam khan thuthar thehdarhtute chuan an tarlang ve chiah a ni. Eminem in aṭang hian thil bo engmah a awm lo a, Matthew David hi Eminem fan niin a hmuh chak vanga lut ru niin an ngai bawk.