Hercules live-action movie thar buaipui ṭan
Disney chuan 'Hercules' live-action movie thar siam turin hma an la ṭan a, 'The Lion King' producer Jeffery Silver leh Karen Gilchrist-te chu chu he project-a inhnamhnawih tur zinga hming langsar an ni.
'Hercules' film thar tur hi Jon Favreau chuan a direct dawn. Kum 1997-a animated film tihchhuah tawh zulzui khan tuna Hercules film thar tur hi siam ṭhat a ni leh dawn niin khawthlang lam media-te chuan an tarlang a, hei hi a dik a nih chuan 'Aladdin' leh 'The Lion King' ang deuh khan a film 'plot'-ah chuan thil danglam a awm tam dawn lo niin a lang.
Kum 1997-a tihchhuahah khan Tate Donovan, James Woods, leh Danny DeVito-te chuan an aw an thawh a ni. Hetihlai hian Hercules live action film hi pahnih tihchhuah tawh a ni a, kum 2014 khan Dwayne "The Rock" Johnson channa 'Hercules' tih chu tihchhuah tawh niin hemi kum vek hian Kellan Lutz channa "The Legend of Hercules" tihchhuah a ni bawk.