Amtea A hming kan hre zual

Hontrade Ṭhazual Fakna chart tihchhuah thar leh a ni a, Amtea hming kan hre lehzual ta. Pakhatna dinhmun lo luah fo tawh ṭhin Amtea hian a zawna a vawi hnih nan pakhatna a luah leh.

Amtea hla thar ber 'A hming ka hria' tih hi a nalhin, a music video a ṭha bawk a, a zawnin pa­khatnaah bawk a awm leh. Ama hla lehlin ngei mai a rawn sa ngam a, a rawn hlawhtlinpui bawk a, a lawmpuiawm hle. Amtea hla 'A hming ka hria' tih hla hi khawvel huapa gospel artist hlawhtling, Francesca Battistelli hla a lehlin a ni. Amtea hian hla lehlin a thiam hle a, hla dang eng emaw zat pawh a lo letling tawh a ni.

Nikum khan Amtea hian 'Ka thlang ber che' tih hla a lo hlawh­tlinpui tawh a, he hla hi nikum khan a zawnin vawi hnih pakhatna a lo ni tawh a, tun hi a zawna pakhatna vawi hnih a luah lehna a ni.

Pakhatna pawh lo luah tawh, Parema hla 'Hmangaihtu Isua' chu pathumna aṭangin pahnihnaah a rawn kai leh. He hla hi chart-ah a dinhmun a chhe lo hle a, pa­khatna vawi hnih a zawna a luah hnuin pathumnaah a chhuk thla a, pahnihnaah a rawn kir leh. Adonai's Choir hla 'Ka van in' chu pahnihna aṭangin pathumnaah a chhuk thla. One in Christ chu pangana aṭangin palinaah an rawn chho a, Praise On aṭanga kan hriat, Cindy Lalthanpuii chu panganaah a rawn lang.

Video ṭha tak tak mai pahnih an rawn lang thar ṭhawt. Grace Lalchhanhimi music video thar 'Min hma­ngaihna hi' leh Judith hla thar 'Ka lungawi e' tihte kan hmu thar. Heng mite hi rimawi dawhsana an hmel kan lo hmuh leh, chart-ah pawh lo lang fo tawh an ni. Sangtei Renza leh Seraphic Choir te an chhuak.

Daffodils Ṭhazual Fakna
1 Amtea - Ka hming a hria

2 Parema Hla - Hmangaihtu Isua

3 Adonai's Choir - Ka van in

4 One in Christ - Chhum zin lohna

5 Cindy Lalthanpuii - A mawi ber

6 Temii Sailo - I thiam an hril

7 Hlimhlimi - Inenfiah rawh

8 Grace Lalchhanhimi - Min hmangaihna hi

9 Maruati & Biteii - Krista au thawm

10 Judith - Ka lungawi e