Jay-Z-a 4:44 Kar khat chhunga album hralh hnem palina
Jay-Z album thar, chanchin ngah, Snoop Dogg te meuh pawhin an pirate-sak hial chu Billboard 200 chart-ah pakhatna a luah chiang hle a, kumina album tihchhuah tawh zinga chawlhkar khat chhunga hralh hnem ber palina a tling pha hial.
June 30-a a tihchhuah, Jay-Z album 4:44 hi Tidal aṭang chauhin a tir chuan tihchhuah a ni. Tidal hian Nielsen Music hnenah chawlhkar khatnaa an hralh zat hi an report loh avangin kar hmasaa Billboard 200 chart tihchhuahah khan kan hmu ta lo nia sawi a ni. Kar liam ta chhunga an hralh zat Nielsen Music hnena an report-ah chuan album 262,000 tlukpui hralh ang a ni.
4:44 album hi streaming deuh chauh a nih hmel a, track equivalent vel tarlan a ni lo. Kar liam ta chhung khan copy 262,000 tlukpui hralhin, kumin chhunga chawlhkar khat chhunga album hralh hnem ber palina a ni. He album aia chawlhkar khat chhunga hralh hnemte chu Kendrick Lamar album 'DAMN' te, Drake-a album 'More Life' leh Ed Sheeran album 'Divide' te a ni.
21 Savage album thar 'Issa Album' chu pahnihnaah a awm a, chawlhkar liam ta chhung khan copy 77,000 lai an hralh a, a dawt leh chu Kendrick Lamar album tho 'DAMN' kha a ni a, copy 54,000 an hralh.
Billboard 200 chart
"4:44" - Jay-Z (262,000)
"Issa Album" - 21 Savage (77,000)
"DAMN" - Kendrick Lamar (54,000)
"Grateful" - DJ Khaled (50,000)
"Divide (division sign)" - Ed Sheeran (36,000)
"Evolve" - Imagine Dragons (35,000)
"Something to Tell You" - HAIM (32,000)
"Funk Wav Bounces Vol. 1" - Calvin Harris (30,000)
"Moana" Soundtrack - Various Artists (29,000)
"More Life - Drake (29,000)