Adele a ṭawng ri thei lo!

A aw bâwm a chhia tih kan hre tawh a, a chanchin zel kan hre tam vak lo. Tuna Adele chanchin, hma a sawn leh sawn loh an sawiah chuan hma a sawn lutuk lo, tun thlengin a la ṭawng ri chhuak thei lo.

Adele hian a aw bâwm a tihchhiat avangin concert a neih tur hmabak te pawh a ṭhulh a, a chhunzawm lawk thei dawn lo. A la ṭawng ri chhuak thei lo a, a duhzawng sawi tur pawhin sign language a hman a ngai nia sawi a ni. A fapa Angelo chu sikulah a hruai a, hetah hian a aw bâwm a ṭha lo tih hre lo mi ṭhenkhatin an lo bia a, Adele hian a ri-a a chhân theih loh avangin sign language a hmang niin an sawi.