A thar apiang chungnunna box office
North American box office-ah chuan film chhuak thar apiang pakhatnaah an awm zel emaw tih tur a ni rih tlat. Kar tawp chhunga sum lalut hnem ber pawh tihchhuah thar War of the Planet of the Apes a ni.
North America-ah nipui vanglai a kal ṭan a, movie chhuak pawh aṭha thei hle. Kar tawp chhunga sum lalut hnem ber chu Planet of the Apes movie kal zel, War for the Planet of the Apes film a ni a, kar tawp ni thum chhung khan USD mtd 56.5 zet a lalut a, Spider-Man: Homecoming chungah a awm.
Beisei chu pha chiah lo mah se, War of the Planet of the Apes hian box office-a pakhatna a luah pha tho. He film hi USD mtd 60 aṭanga 65 lalut tura beisei a ni a, mahse a pha ta chiah lo a, USD mtd 56.5 a lalut. He film-ho zingah chuan Dawn of the Planet of the Apes khan opening week-ah sum a lalut hnem ber a, USD mtd 72.2 a lalut.
Spider-Man: Homecoming chu pahnihnaah a la ṭhu thei a, USD mtd 45.2 zet a lalut tling. Chawlhkar hnih chhuah a ni tawh a, hemi chhung hian Spider-Man: Homecoming hian North America aṭangin USD mtd 208.3 zet a thawk chhuak tawh a ni. Despicable Me 3 chu pathumnaah a la awm a, USD mtd 18.9 zet a la hmu tling bawk.
Box office movie-te
"War for the Planet of the Apes" - $mtd 56.5
"Spider-Man: Homecoming" - $mtd 45.2
"Despicable Me 3" - $mtd 18.9
"Baby Driver" - $mtd 8.8
"The Big Sick" - $mtd 7.6
"Wonder Woman" - $6.9
"Wish Upon" - $mtd 5.6
"Cars 3" - $mtd 3.2
"Transformers: The Last Knight" - $mtd 2.8
"The House" - $mtd 1.8