YouTube: Justin Bieber aiin BTS-te'n subscriber an ngah tawh zawk

Congratulations, ARMY

Tunah chuan Justin Bieber aiin BTS-in YouTube-ah subscriber an ngah tawh zawk!

BTS hian YouTube subscriber maktaduai 70 an nei tling tawh a, tunah chuan he platform-a artist page follower ngei ngah ber dawttu an ni ta e. Seven-piece boyband hi he mellung pawimawh phum thei act pahnihna an ni chiah a, he huangah hian tluk loh pakhat an la nei. Chu chu tudang ni loin an ram act tho, BLACKPINK-te an ni.

Canadian singer Justin Bieber hian YouTube-ah subscriber mtd 69.8 a nei tling tawh a, BTS hian mtd 70.2 nei thungin Blackpink hian mtd 76.7 an nei thung.

Jin, Suga, J-Hope, RM, Jimin, V, leh Jung Kook-te hian YouTube-ah hian thlirtu tluklehdingawn nei tling video paruk lai an nei tawh a, chung zingah chuan 'Dynamite', 'DNA' leh 'IDOL'-te pawh a tel a ni.