Mizo Idol ; Zaninah Top 20 result a hriat dawn ta

Mizo Idol season 7 zinkawng a thui zel a, an inthlifim chho zel a, zaninah Top 20 result puan a ni tawh dawn.

Kumin hi zaithiam inlan ṭhat kum tih loh rual a ni loa, 1st round aṭangin boruak a ṭang chho at a, mipui pawhin an ngaihven nghal hle. Zaithiam 400 rual aṭangin an inthlifim chho zel a, Ningani leh Zirtawpni zan khan zai thiam zual 50 an inel leh, chung mite aṭang chuan judge-te'n an lungdum zual 20 an thlang chhuak leh dawn. Chung an mi thlan chhuahte chu zanin hian a hriat theih tawh dawn a ni.

Top 20 thlan chhuahte chu karleh Ningani, August 25 leh Zirtawpni, August 26 hian an inel leh dawn a ni. Hetah hi chuan an zai cheimawi lehzual turin track an hmang thei tawh dawn thung.

Zanin result puan hi Zonet Zawlbuk leh Zonet Empai-ah dar 8-ah an tichhuak dawn a ni.