Olivia Newton-John hriatrengna pualin AMC Theatre-ah 'Grease' chhuah

Kum 1978 daiha tihchhuah tawh musical 'Grease' chu Olivia Newton-John hriatrengna pualin US-ah chuan AMC Theatre-in an chhuah leh.

Ningani khan theatre 175 laiah an chhuah a, ticket pakhat an hralhna aṭanga dollar khat zel chu AMC charitable fund, AMC Cares hnena pek tur a nih thu an tarlang.

'Grease' hi kum 1978-a tlangzarh kha niin a hunlai khan Box Office aṭangin $maktaduai 132.4 lai a hmu chhuak a, an tlangzarh kuma film tlangzarh zingah chuan sum lalut tam ber a ni hial. Achangtunu, zaithiam lar Olivia Newton-John chu August 8 khan kum 73 mi niin a thi a ni.