Miss Universe-ah pasal nei tawh tel phal tawh dawn

Khawvela beauty contest ngaihven hlawh ber zinga mi Miss Universe-ah chuan pasal nei tawh tel an phal tawh dawn.

72nd Miss Universe pageant, 2023 aṭang chuan nu leh pasal nei tawhte an tel phalsak an ni tawh dawn a, thuchhuah an siamah chuan mihringin thutlukna an siam chu an hlawhtlinna daltuah hmang lo se an duh thu an tarlang a ni.

Miss Universe-ah hian pasal nei tawh leh fa nei tawh tel phal an ni ngai loa, kum 18 aṭanga kum 28, nulate chiah tel phal an ni. Miss Universe 2020 winner Andrea Meza chuan Miss Universe thutlukna siam chu lawmawm a tih thu a sawi nghal nghe nghe a ni.