Christian Music News ; TobyMac 'Life After Death' album a ngaihthlak theih tawh

Multi-platinum Christian artist TobyMac chuan Zirtawpni khan a album thar ber 'Life After Death' chu a tichhuak.

'Life After Death' hi TobyMac studio album pasarihna niin a hmaa single-a tihchhuah tawh 'Help is on the Way (Maybe Midnight)' leh 'The Goodness'-te pawh kha he album-a mi hi niin 'The Goodness' phei chu tunah hian US Christian Airplay chart-ah top 5-ah a lang mek a ni.

He album-ah hian hla 15 a awm a, streaming platform hrang hrangah chung hlate chu ngaihthlak theihin a awm tawh.

TobyMac hian studio album pasarih a tihchhuah tawh bakah hian live album pathum a tichhuak tawh a, EP pahnih a tichhuak tawh bawk.

Kum 57 mi lai ni ve tawh Toby McKeehan hi Christian music rapper zingah chuan hlawhtling ber pawl a ni a, Christian rap/rock trio DC Talk aṭanga hriat hlawh ṭanin kum 2001 khan a single album hmasa ber 'Momento' a tichhuak a ni.

Kum 2019 kumtawp lamah khan a fapa Truett Foster chuan a boralsan a, chumi hnu chuan hun eng emaw chen chawlin album pawh a tichhuak lo reng a, tuna a tihchhuah 'Life After Death' pawh hi a fapa thih hnua a album tihchhuah leh hmasak ber a ni hial a, kum 2018-a 'The Elements' a tihchhuah hnua a studio album tihchhuah leh hmasak ber a ni bawk. TV interview-ah pawh kum thum dawn a inlan tawh loa, mahse vawiin lamah hian ABC GOOD MORNING AMERICA-ah a inlan dawn a ni.

'Life After Death'-ah hian artist hrang hrang a thawhpui a, chung zingah chuan mainstream lamah pawh hriat hlawh tak Sheryl Crow pawh a tel a, Tauren Wells, DC talk lama a ṭhian- Kevin Max & Michael Tait bakah Sarah Reeves-te pawhin an thawhpui bawk.

Life After Death-a hla awmte:-
1. Help Is On The Way
2. The Goodness Feat. Blessing Offor
3. Deeper Feat. Tauren Wells
4. Show Up Choose Love
Feat. Jon Reddick
5. Promised Land Feat. Sheryl Crow
6. Everything About You Feat. Marlee
7. Life On It Feat. Sarah Reeves
8. Faithfully
9. Cornerstone Feat. Zach Williams
10. Found Feat. Terrian & Wande
11. Fire's Burnin' Feat. Cory Asbury
12. Space Feat. Kevin Max
& Michael Tait of dcTalk
13. 21 Years
14. I'm Sorry
15. Rest Feat. Terrian & Gabe Real