GOT vangin Ed Sheeran-a’n Twitter a/c a delete

Game of Thrones a chhuak a, Ed Sheeran pawh a rawn lang zawk (cameo appearance) a nih kha. Khami hnu khan Ed Sheeran hian Twitter-a account a delete hmak.

Social media lawm vak lo, a account a delete, ‘lete leh lo tih vel pawh sawi hlawh em em Ed Sheeran hian Game of Thrones-a a rawn lan ve hnu hian a Twitter account chu a delete tak tak ta. A bo nghal hmak a, hmuh tur a awm tawh lo. Game of Throne-ah hian Ed Sheeran hi a lang rei ang reng hle a, cameo appearance-ah chuan a lang rei pawl tak a ni ngei ang. Ramhnuaiah, thinghmun ngawah a ṭhiante nen an lo zaiho a ni.

Ed Sheeran hian hetia a account a delete chhan hi Twitter-a an lanna an troll nasat vang a ni. Twitter-ah hian mi tam tak chuan Ed Sheeran lo lang hi an ngeizia an tilang nasa leh pek hle. “Game of Thrones-a character lang, that daih se ka tih ber ber pathum chu...” tiin Ed Sheeran lo lang hi an duh loh thu a ṭhenin an tlangaupui nghal a,

ṭhenkhat chuan GOT-a Ed Sheeran lo lang ve hi thil inhmeh lo leh intu lo, changêla sâwi bel ang mai nia an ngaih thu an sawi bawk. Ṭhenkhat chuan fantasy khawvela rilru leh ngaihtuahna zawng zawng nen, tui ti taka an chên lai leh an en laia Ed Sheeran lo lang chuan an ngaihtuahna a tichhe zo vek niin an sawi bawk.

Hetiang thil vel avang hian Ed Sheeran chuan Twitter-a a account chu a delete nghal. A hma pawhin Ed Sheeran hian social media khawvela awm a thiam loh thu a lo sawi tawh a, amah duhtu ten an duh lutukna te, amah hawtu tena an huat dan namen lo takte chu a thil tawn ngai loh a ni tih a lo sawi tawh a ni.