Zombie phuah chhuaktu a thi

Movie khawvela horror lama character hriat hlawh em em tawh, zombie tilartu, movie industry-a hlawhtlinpui hmasatu George A. Romero chu kum 77 mi niin a thi. Cancer natna a nei a ni tih hriat chhuah a nih hnuah hunrei pawh enkawl hman lohin a thi ta a ni.

Romero hian film khawvelah zombie hlawh­tlinpuitu hmasa a ni. Kum 1968 khan USD 114,000 chauh sengin ‘Night of the Living Dead’ film a siam a, a hlawhtling hle. He film hian USD mtd 30 zet a hmuchhuak a, chu mai bakah a film siam aṭang hian film khawvelah zombie chu a lar ta hle a, zombie behchhan film tam tak a chhuak tawh a ni.