North America-a Justin-a zinpui turte an hraw

India-ah te pawh concert nei a, ‘Purpose’ tour-a khawmualpui hrang hrang a fan kual hnuah Justin Bieber chuan sum tamna North America a hrut tawh dawn a, heta a hruai turte an hraw hlawm.

Tun nipui chhung hian Justin Bieber hian North America-ah Purpose tour hi a chhunzawm dawn a, hetah hian zaithiam lar tak takten an puibawm dawn. A tour-a a hruai tur zingah hian Migos, Vic Mensa, Kehlani leh Martin Garrix te pawh an tel. June 29 hian Arlington, Texas aṭangin North American leg hi a ṭan ang a, September 6 khian Toronto, Canada-ah a khar ang.

Nikum March thla aṭang khan Justin hian tour hi a ṭan tawh a, a tour hmingah hian kum 2015-a a album tihchhuah ‘Purpose’ hming a puttir. Show vawi 52 a neih tawhte chu ticket hralh zawh pak pak a ni zel a, tour a neih tawh aṭangin USD mtd 200 vel zet a lalut tawh.