Sakawrin DJ Khaled a zo lo!

Billboard 200 chart-a pakhatna luah thei DJ Khaled hi a thau lutuk a, a chuanna sakawrin a zo lo niin an sawi. Kar liam ta khan DJ Khaled hi Nassau, Bahamas-ah chawlh a hmang a, beach-ah sakawrin a lêng kual vel a ni âwm e. A thau sia, a rit lutuk a, sakawr hian a zo chiah lo a, sakawr hnungzângin a ṭhat loh phah niin Metro UK chuan a tarlang. Thuthangah chuan sakawr hi a hnuah tihhlum a ngaih phah hial a, sakawr vuina leh phumna senso hi DJ Khaled chuan a tum vek nghe nghe nia sawi a ni. Mahse DJ Khaled chuan hetiang thil hi thuthang dik lo niin a sawi.