'The Falcon and the Winter Soldier' Tiam chin awm loin an sawn hla

Captain America spin-off,  Sebastian Stan leh Anthony Mackie channa tur 'The Falcon and the Winter Soldier' project chu Covid-19 vangin March thla khan tawpsan rih a nih thu puan a lo ni tawh a, Marvel lam thuneitute chuan tiam chin awm loin sawn hlat leh a nih thu tunhnai khan an puang leh.

'The Falcon and the Winter Soldier' hi series anga tihchhuah tum a ni a, kumin August hian Disney+-a tihchhuah hman an tum a, mahse hripuiin film industry nasa taka a ngawng avangin kan la en thei rih dawn ta lo a ni.

Avengers: Endgame hnua thil thleng anga chan tum a ni a, episode paruk siam phawt an tum. Daniel Bruhl, Emily VanCamp, leh Wyatt Russell-te pawh an inlan dawn. Kari Skogland chu director a ni dawn a, Marvel Phase Four series hmasa ber tura beisei a ni bawk.