Ozzy Osbourne-a'n album thar a buaipui

Black Sabbath frontman Ozzy Osbourne chuan a solo album 13-na tur a buaipui ṭan leh tawh tih a nupui Sharon Osbourne chuan a sawi.

Steve-O nen a 'Wild Ride!' podcast-a an inkawm­naah Osbourne-i chuan hemi chungchang hi sawiin hma a la leh tawh a, dan theih a ni lo. Nikum February-a a chetsualnaa a intihnatna leh kum 2003-a Parkinson natna a neihte pawh chu a zia­awm tawh tih sawiin nitinin hma a sawn ve zel a ni, a ti.

"Ozzy chuan a tour neih tura a ruahman mek pawh chu a farewell tour a nih tawh avangin neih zawh ngei a tum a, kum khat vel tour turin hun a la nei a, nakkum aṭan pawh ticket hralh a ni tawh. Mahse a tawhsual tawh avangin tihtawp a ngai ta si a ni. Mahse hetiang ringawta tawpsan hi a tum lo, a tour chu zawhfel ngei a tum. A fan-te mangṭhana atan show lian tak pakhat buatsaih pawh ngai se a tihlawhtling ang," tiin a sawi. Ozzy Osbourne hian kum­in February thla khan a solo album 12-na 'Ordinary Man' a tlangzarh a, Elton John leh Post Malone-te pawhin he album-ah hian an pui a ni.