Anime News 'One Piece Film: Red' a hit

Khawvela Anime lar ber zinga mi leh lawm hlawh ber pawl, fan pawh ngah ber zinga mi 'One Piece' movie thar ber 'One Piece Film: Red' chuan $maktaduai 71.59 a lalut tling tawh.

'One Piece' manga kum 25 tlin champha pualin he film hi August 26 khan tlangzarh a ni a, Pathianni thleng khan Japan-ah chuan yen tluklehdingawn 9.28 ($mtd 67 vel) a lalut tawh a, One Piece franchise Japan-a film sum lalut tam ber ni der tawhin kumin chhunga Japanese film tlangzarh tawh zinga sum lalut tam ber dawttu a ni tawh bawk.

Crunchyroll chuan he film hi North America, Australia, leh New Zealand-ahte pawh theatre-a tihchhuah thuai an tum a, Japan lamah chuan tunlaia film ngaihven hlawh ber a ni mek.

He film hi character thar pakhat Uta chungchang niin, Anime News Network chuan Uta hi Shanks-a fanu niin a tarlang bawk.

One Piece hi July 1997 aṭang khan a manga tihchhuah ṭan a ni a, manga hi copy maktaduai 516.5 an hralh tling tawh a, manga series siam tawh zinga hralh ṭhat ber a nih bakah lehkhabua print ngei comic series hralh tam ber ni bawkin media franchise sum lalut tam ber zinga mi a ni.