Ocean's Eleven reboot-ah Ryan Gosling

Ryan Gosling chu 'Barbie' film lama a co-star Margot Robbie nen Ocean's Eleven reboot-ah an thawkdun leh dawn.

Puck News tarlan dan chuan kum 41 mi lemchan thiam hi Warner Bros movie-ah hian a inlan dawn a ni. He film produce tur zingah hian Margot Robbie pawh a tel.

Ocean's Eleven reboot hi 1960's vela thilthleng angin an chang dawn niin an sawi a, Europe rama chan tur niin Carrie Solomon chuan screenplay a buaipui mek a ni.