Netflix movie zinga budget sang ber tur 'The Gray Man'

Ryan Gosling leh Chris Evans-te film thar tur 'The Gray Man' chu Netflix executive-te commission project hautak ber tur a ni dawn. Streaming site thuneitute hian 'Avengers: Endgame' director Joe leh Anthony Russo-te hnenah $maktaduai 200 film siamna atan hian an pe niin Deadline chuan a tarlang a, hei hi a dik a nih chuan Netflix movie zinga budget sang ber a ni ang.

'The Gray Man' hi Mark Greaney lehkhabu kum 2009-a tihchhuah behchhana siam a ni dawn a, CIA hlui freelance assassin ni ta chanchin a ni dawn. Gosling hi assassin lemah hian a chang dawn a, Evans hi CIA-a a thawhpui ṭhin, amah chhuizuitu tur a ni dawn thung. Russo brothers hian nakkum January-ah hi chuan Los Angeles-ah shooting an neih ṭan hman an beisei a, an hlawhtlinpui viau a nih chuan a chhunzawmna siam tur pawhin ruahmanna a awm sa nia tarlan a ni bawk.