Fate tana hun tam zawk hman tum Charlize Theron

Hollywood star Academy Award hial pawh lo dawng tawh Charlize Theron chuan film lam chawlhsan a tum thu a sawi a, a fate tana a hun tam zawk hman a duh vang niin a sawi bawk.

July 10-a tlangzarh tak The Old Guard-a a changtunu kum 44 mi Theron hian film chawlhsan a tum hun chhung hi hun rei lo te atan a nih dawn thu a sawi a, fate a neih tawh avangin a fate tan hun hman tam a duh thu HELLO! magazine a hrilh. Theron hian fanu pahnih Jackson Theron leh August Theron a nei a, a fanute pahnih hi a lak ve ve an ni. Kum 2012 khan Jackson hi a la, kum thum kal ta khan August hi a la ve leh a ni.