GOT zinga entu ngah ber GOT 7
HBO-in a tarlan dan chuan Game of Thrones season 7 an khuhhawnna kha Game of Thrones an tihchhuah tawhte zinga khuhhawnna entu la tam ber ṭum a ni.
Game of Thrones season 7 khuhhawnna hi GOT dang an lo khuhhawn tawhte aiin an khuhhawng tlai daih a, an premier tlai avang hian entu pawh tlem phah thei hial zawk khawp a nih laiin fan-te chuan an ngai pawimawh vak lo a, GOT thar hi en an chak tawh hle zawk tih a lang. Khuhhawnna kha entu maktaduai 16.1 zet an awm a, season hmasa khuhhawnna aiin za zela 50 ngawtin entu an tam zawk.
Season 7 episode hmasa ber entu an tam ang tho hian a chhunzawmnaah entu an tam ang em tih chu thlir mek a ni. Episode hmasa ber hi Dragonstone a ni a, Jeremy Podeswa chuan a direct a, episode pahnihna, Stormborn hi July 23-a tihchhuah a ni ang a, director hi Mark Mylod a ni ang.