Album siam turin Adele a hlim mah mah!

A chang chuan lungngaihna leh hrehawmnate hi a ṭhat zawk chang a awm fo mai. Adele tan pawn hetiang nun hrehawma kan ngaih hi malsawmna a ni zawk mah âwm asin. Tunah chuan a hlim lutuk a, a album buatsaih kawngah pawh harsatna a neih phah.

Fatboy Slim sawi dan chuan, Adele hi a depress tawk lo a, chuvang chuan hla phuah thar tur leh a album tur buatsaih turin a inpuahchah hlei thei lo a ti. Fatboy Slim hi Adele ṭhenawm a ni. Fatboy Slim chuan, “Adele-i’n min hrilh dan chuan a hla ṭha zawng zawng hi a lungngaih leh lawm loh laia a phuah chhuah a ni a, hetiang hla ṭha phuah chhuak leh tur chuan tunah chuan a beisei chi loh, a nun a hlim rih lutuk a ni,” a ti.

A nun a hlim rih em avang hian hla phuah a harsat a, chu mai bakah a aw bâwm a ṭhat loh avangin music lamah hma a sawn hlei thei lo. Engtikah nge album a tihchhuah theih ang tih pawh sawi lawk chi a ni lo a, tunah tak phei chuan sign language lo chuan a biak theih loh niin an sawi.