BBC hnathawkte hlawh tar chhuak

British sorkarin a nawr luih angin BBC chuan a hnuaia thawktu, actor-te leh presenter-te hlawh a tar chhuak a, hlawh a pek hnem ber chu Chris Evans a ni.

BBC-in a hnuaia actor leh presen­ter-te hlawh a pek a tarlan­ah hian mi 96 hming a lang a, a tlem ber­ah, kum khat­ah USD 195,000 mi pakhat zel pe ang a ni a, chu chu British prime minister hlawh aiin a tam zawk. Hlawh hnem ber chu radio host, Chris Evans a ni a, kum khatah USD mtd 2.9 (£ mtd 2.2) a hlawh.

Match of the Day host, Gary Linekar hian kum khatah £mtd 1.75 aṭanga £ mtd 1.8 a hlawh a, hlawh hnem berte zinga mi a ni. Talk show host, Graham Norton chuan £ 850,000 aṭanga nuai 9 vel a hlawh ṭhin bawk.

Hlawh zat a tarchhuaha mi sawiselna chu BBC hian mipate a hlawh hnemtir bik tih a ni. BBC hnuaia hlawh hnem ber ber hmun thuma ṭhen hmun hnih chu mipa an ni. Hmeichhe zinga hlawh hnem ber chu Strictly Come Dancing host, Claudia Winkleman a ni a, £ nuai nga vel a hlawh. News anchor Huw Edwards hi kum khatah £ 550,000 pek a ni.