Rob Halford-a’n chawimawina dawng dawn

British metal band hlawh­tling, Judas Priest-a mi, Rob Halford chu chawi­mawina pek a ni dawn a, a chawimawina dawn tur hi Lemmy Lifetime Achievement Award a ni.

Loudwire chuan Loudwire Music Award show an buatsaih vawi khatna turah Lemmy Lifetime Achievement Award an pe chhuak dawn a, a dawngtu tur chu ‘Breakin’ the law’ hit-pui-tu Rob Halford a ni. He award hi kum 2015-a thi ta, Motorhead frontman Lemmu Kilmister hmingchawia siam a ni a, kum 65 mi Rob Halford hi Lemmy hmingchawi award dawng hmasa bertu a ni dawn a ni.

Loudwire Music Award-ah hian Black Sabbath guitarist Tonu Iommy chuan Courage Award a dawng dawn bawk a, he chawimawina hi non-Hodgkin’s lymphoma natna huaisen taka tawrh a, a dampui vang a ni ber.