Zorinzuali Khiangte feat 135 Ngaihdamnain mite thinlung a hneh

Manuna 'Duhaisam' a liam a, Zorinzuali Khiangte leh 135 te sak 'Ka ngaidam che' tih chuan mi thinlung a hneh a, Hontrade Ṭhazual Lengzem chart-ah pakhatna a rawn luah.

Zorinzuali Khiangte tan Ṭhazual chart-a pakhatna a luah hmasakna ber hla 'Ka ngaidam che' tih hi pakhatna luah âwm tak a ni. A hla nalh a, Zorini bakah Michael M. Sailo zai kan hre leh hian thinlung a hneh dan a danglam hle. 'Ka ngaidam che' tih hi tun ang zela mi thinlunga a thawh nat chuan pakhatna pawh a la luah chho zel lo ang tih a sawi theih loh.

'Ka ngaidam che' tih hla hi June 26 aṭang khan top 10-ah kan hmu ṭan a, pasarihnaah a rawn lang. Pathumnaah a rawn kai chho dawrh a, a vawi thum lannaah pakhatna a rawn luah thei. Chart-a vawi thum lannaa pakhatna luah thei hi an tam lo hle a, hla ṭha tak, nalh tak nih a ngai a, 'Ka ngaidam che' tih hla a vawi thum lannaa pakhatna a luah thei hian he hla hi a nalhin, a music video a ṭha hle tih a lantir.

Manuna chu pakhatna aṭangin pahnihnaah a chhuk thla a, DJ Lalvenhimi hla thar 'Ka tan i chuai' tih chu parukna aṭangin pathumnaah a rawn chho. Mathlenga hla 'Zawl­khaw dingdi' chu palinaah bawk a

ṭum leh a, Michael M. Sailo hla record hnuhnung ber 'Thinlai Hnemtu' chu panganaah a chhuk thla.

Top 10 aṭangin C. Sanga hla 'Lungrunpui' a chhuak a, Aziri hla 'Eng vangin nge' tih pawh a tawlh chhuak bawk. Janet hla thar 'I luah zo ngei e' tih chu pariatnaah a rawn lang thar a, Thiamchantira hla 'Kir an rel lo' tih chu 10-naah kan hmu bawk.

Hontrade Ṭhazual Lengzem

1 Zorinzuali Khiangte feat 135 - Ka ngaidam che

2 Manuna - Duhaisam

3 DJ Lalvenhimi - Ka tan i chuai

4 Mathlenga - Zawlkhaw Dingdi

5 Michael M Sailo - Thinlai Hnemtu

6 7th String - Mizoram

7 Lilzo - Ka pa

8 Janet - I luah zo ngei e

9 Marshall FK ft Ruatfeli - Fahrah nun

10 Thiamchantira - Kir an rel lo