Dunkirk indona a hlawhtling

North American box office-ah chuan Indopui II hunlaia Dunkirk-a indona thleng behchhana siam film chu a hlawhtling ber a, kar tawp ni thum chhung khan USD mtd 50.5 zet a lalut.

Dunkirk film hi Christopher Nolan-a direct a nih avanga en chakawm tak a nih mai bakah One Direction member, Harry Styles channa a nih avangin mi tam tak ngaihven a ni. He film hian kar tawp chhung khan North America aṭangin USD mtd 50.5 a lalut a, entu zingah mipa an tam ber a, zaa 60 an ni. A kum zat zawng chuan entu zinga zaa 76 te chu kum 25 chung lam an ni.

Dunkirk indona hi Indopui II tir lam deuha thil thleng tak tak beh­chhana siam a ni. German Nazi lian zelin France ram a rûn a, France

aṭangin, Nazi sipaite hualbehna aṭanga ṭangrual sipaite Bri­tish thliarkara an inthiarchhuahna chanchin a ni. Dunkirk hi France hmar lama mi a ni a, Indopuii II tir lam, kum 1940 khan Nazi chuan France a la duai duai a, ṭangrual sipaite chu Nazi German sipaiten an hualbeh kara mak tak maia an inlakchhuah dan a ni ber.

Girls Trip film chu pahnihnaah a awm a, USD mtd 20 senga an siam film hi beisei aiin a hlawhtling a, USD mtd 30.4 lai a lalut. Spider-Man: Homecoming chuan USD mtd 22 lalutin pathumnaah a la awm thei a, kar hmasaa pakhatna, War of the Planet of the Apes chuan USD mtd 20 a lalut.

Box Office movies

“Dunkirk” - $mtd 50.5

“Girls Trip” - $mtd 30.4

“Spider-Man: Homecoming” - $mtd 22

“War for the Planet of the Apes” - $mtd 20

“Valerian and the City of a Thousand Planets” - $mtd 17

“Despicable Me 3” - $mtd 12.7

“Baby Driver” - $mtd 6

“The Big Sick” - $mtd 5

“Wonder Woman” - $mtd 4.6

“Wish Upon” - $mtd 2.8